本報昨日收到自稱「Beyond Fans」的讀者電郵，指家駒位於將軍澳華人永遠墳場的墓碑遭惡意破壞，並指：「家強為咗隻30萬嘅錶可以追究到底，不知家駒的墓地被破壞，家強又會唔會追究到底呢？」記者前往上址了解，發現家駒的遺照出現裂痕，墓碑上的結他及碑文均被塗黑，有前往拜祭的歌迷表示，家強與太太剛離開，二人嘗試用天拿水抹去黑油，可惜徒勞無功。

家駒的遺照出現裂紋，而墓碑上的結他則被黑筆「綑邊」。	放大圖片	前往拜祭的歌迷，指出被塗黑的碑文。

擬報警求助

記者致電家強了解，他表示十多天前已得悉事件，非常勞氣！他說：「邊會搞人個墓呀？呢啲人有排衰，邊會行好運？係咪冇腦呀？刻意搞人哋個墓，有排黑呀佢！所有Beyond歌迷都鬧爆佢！」他表示Beyond歌迷一向在討論區發表意見，不會向報館投訴，並質疑說：「家駒個墓16年來冇發生過呢啲事，個投訴仲要無啦啦提起隻錶，我覺得好巧合囉！點解要拉埋嚟講？」他認為有關行為防不勝防，必定將事件交警方處理。至於葉世榮則說：「吓！咁癲？呢啲人有報應，等天收，如果真係惡意破壞，應該報警！今個月10號係家駒生忌，我過幾日會去，到時睇吓情況點。」

至於墳場總辦事處負責人楊先生則表示，暫未接獲有關投訴，會派人了解墓碑情況，一旦發現遭惡意破壞，必定報警處理。