日前公開指摘一名巨乳叮模態度囂張的E Cup Baby（劉欣宜），最近與「日版Paris Hilton」椋名凜（Rin）、「美少女廚神」胡心諾（Rainbow）及鍾蕙芝（Lavina）、「翻版阿嬌」勞詠君（Tian）與「翻版阿Sa」周凱盈（Monique）齊齊身穿比堅尼，拍攝PS3短劇《夏之盛放》。擁有E Cup身材的E Cup Baby及阿Rin埋位前不斷在池邊「雞啄唔斷」，完全視其他叮模如無物！

劉欣宜（左）與椋名凜不停雞啄唔斷，完全當其他演員透明！	當鍾蕙芝（左）走上浮床時，劉欣宜（中）即顯得不滿。	勞詠君與周凱盈身材輸蝕，惟有靠性感甫士搭夠。

鍾蕙芝谷胸反擊

其後，當拍攝一場在泳池戲水的場口時，E Cup Baby與阿Rin在浮床上玩水槍，即時吸引記者喪影，另一位「E娃」Lavina見狀亦爬上浮床，E Cup Baby見狀即大嗌：「你上嚟就沉喇！」擺明不願Lavina埋身「博上鏡」。雖然被杯葛，但Lavina亦不甘示弱，不用埋位時醒目地在池邊搏命谷胸擺出高難度甫士，希望可以搶「峰」頭令記者「回心轉意」，其他幾位身材較輸蝕的叮模見狀亦不禁「眼睥睥」！知名度較高的Rainbow雖然身材未能「凸」圍而出，但身穿細碼比堅尼的她仍經常有意無意拉扯泳衣，相當「牙煙」！

放大圖片	放大圖片	放大圖片

事後，問到為何只顧與阿Rin傾偈時，E Cup Baby說：「唔係，阿Rin同我喺Facebook已經識，而且我學緊日文，所以啱傾啲！其他Model係同一間公司，所以冇咁熟啫！」她還自爆即將約滿舊公司，現正與新公司傾談簽約細節。而全程擺出一副「戰鬥格」的Lavina則解釋：「我個角色係要做一個好有魅力嘅女仔，所以要成日用眼神去電啲男仔！」

放大圖片	放大圖片	Rainbow不時整理泳衣，有意無意露出美好身段！

（口靚）界是非日日新鮮

近年叮模湧現，人多爭上位自然是非亦多，傳出的是非亦層出不窮。

Kama 傳低價搶Job

Kama與Angelababy市場相近，有傳後者不滿對方以低價搶Job令不和升級，不論接Function還是出寫真也必定鬥一番。

Janice Man 獅子開大口

早前有指正覓新公司的Janice Man竟開出巨星級價錢，嚇窒多間有意向她招手的經理人公司。

諸葛梓岐 被指大話精

自稱是諸葛亮後人的諸葛梓岐，出道以來是非不絕，曾被指改名、虛報年齡及學歷，她現正尋求律師協助。

李曼筠 暗寸打假波

近來被E Cup兵團圍剿的「動漫Maggie」李曼筠，曾揚言身材雖只有D Cup但絕對天然，似暗寸模界有人「打假波」。