昨日熊黛林（Lynn）、陳君宜、馬詩慧及郭錦恩等出席德國女性內衣品牌SCHIESSER專門店開幕，雖然Lynn以黑色半透視裝、騷香肩露Bra帶示人，但大會司儀楊洛婷卻是全場最性感的一個，她指服裝是由大會安排。

陳君宜送公仔氹子淇BB

Lynn表示買內衣以舒服為主，問到郭富城喜歡她穿甚麼款式內衣時，她即傻笑說不知道，問到有否男士送內衣？Lynn說：「唔係男朋友送就唔收得。（唔係男友送？）一定會畀我鬧，冇人敢，我個人比較惡，保守啲。（為男友買內衣？）呢個問題……（即係有啦！）唔好意思答。（認為互送內衣係情趣？）係貼心啲，如果見到靚都會買，唔一定係內衣。」至於是否買給城城，她則不回應。

模特兒行內衣騷，場面火辣。

放大圖片

Lynn續稱曾有內衣品牌以不俗的酬勞邀她行騷，但她全部婉拒，因內衣很私人，沒有幾多人可以看到。記者笑問城城有否看過？Lynn即說：「我冇影過內衣相。（你去城城屋企過夜時冇着內衣？）咩呀？今日好熱。」她更滿面通紅，只懂傻笑。而陳君宜則透露已探望徐子淇，大讚對方精神好：「BB一出世就識笑，佢瞓醒見到我送畀佢個公仔，佢都即刻笑。」

此外，近日忙於拍新片《全城戒備》的城城，向劇組請假一星期，到新加坡開巡迴個唱，更展示「加強版」健力士450度旋轉舞台。兩年未有在當地開個唱的城城，令歌迷十分瘋狂，兩度出場安歌。