踏入夏季，年輕女星換上七彩繽紛的Summer Look，天后容祖兒最新演繹民族風花花造型，充滿青春氣息。「日本通」鄭家輝表示去年的民族熱潮仍留到今季：「上年波希米亞民族服被視為大熱，雖然今年民族服個勢弱咗，但日本仲有好幾個品牌依然行主打。今年民族風玩鮮色同碎花圖案，Detail位要夠多配飾，好似祖兒嘅頭飾、毛毛頸鏈、腰飾同手鐲都非常搶眼，襯得好青春好靚。」

祖兒示範潮襯民族Look。	今年民族服要夠搶眼及以大量飾物配搭，這條粉紅色碎花民族Look正是好例子。	平價民族花花Look：頭飾 160（2條）；花花裙 $180；七彩珠鏈 $80（3條）；牛仔褲 $280；鞋 $220

鄭家輝教路民族服有平有貴，因承接去年熱潮，今年市場上的價錢更親民：「玩民族風唔一定要着晒成套，一條花花裙同牛記一樣掂，最緊要加大量充滿民族味嘅飾物襯番，例如顏色鮮艷羽毛或七彩顏色嘅珠仔，加埋夏威夷花花頭飾，再Mix & Match襯出個人風格。 」今年民族風的重點是飾物及花花圖案，若穿一條花巧的碎花連身裙，飾物可略減，相反衣服較淨色，不論帽子、頸巾及珠仔鐲等飾物都可盡情晒冷。