黎明（Leon）下個月就會舉行四場《Dream Wedding Leon Live 2009》演唱會，雖然同時間佢仲拍緊電影《十月圍城》，但係Leon都不忘為個唱做準備，仲自訂時間表做運動，由每日做一粒鐘運動，加碼變兩粒鐘。其實平日都係跑步多嘅Leon，經朋友介紹佢打網球之後，就即刻成為網球狂熱分子：「初初學係有啲難、有啲辛苦，不過依家只要喺香港都會打。」

忙於拍攝《十月圍城》的黎明，仍不忘操Fit自己。

黎明（左）約王凱文打友誼波，自比費達拿對拿度。

自比費達拿Vs拿度

雖然Leon都係最近先鍾意打網球，不過向來熱愛運動嘅佢，點都有啲運動細胞，所以好快就掌握到網球嘅技巧，早前仲約埋唱片公司行政總裁王凱文打番場「超友誼熱身賽」，一輪球來球往，喺六個回合之後，佢哋就打和收場。問到覺得佢哋打成點？Leon即刻笑笑口話：「咪好似費達拿對拿度咁囉！」