莊思敏和何紫綸（Ann）昨日為「羅浮宮婚紗影城」示範最新晚裝及婚紗，跟張栢芝弟弟張豪龍分手的Ann狀態大勇，原來剛由泰國充電回來，她說：「之前因為感情同搬屋，令我好大壓力，搞到自閉咁黑口黑面。依家同佢做番朋友，大家仲加深咗了解。（復合？）唔諗住，真係唔知。」
Ann表示今次分手有得失，更多了一個「家姐」張栢芝。她說：「佢係好錫我，係我好姊妹。佢想我哋喺埋一齊，仲話好唔捨得我，仲講到喊。」為網上電台主持談性節目的Ann表示，曾有男聽眾要求她示範叫床聲：「我即刻播《十誡》佢聽，最難忘性經驗係有次喺泳池調情，跟住喺布滿花瓣嘅床親熱。（張生？）哈！唔知呢！」
