昨日E Cup Baby（劉欣宜）和美少女廚神胡心諾（Rainbow），分別以補習天后及學生妹造型，出席《PS3暑假遊學班招募日》活動，劉欣宜更即場施行「體罰」，作勢扭Rainbow耳仔及打手板，十分搞笑！不過，時刻防走光的劉欣宜坐着拍照時卻不慎露出打底褲，事後她表示因曾被偷拍，故時刻要着打底褲保護。
對於早前動漫Maggie李曼筠表示有些模特兒的身材人工化，劉欣宜說：「一定唔係我啦！只係聽過有人打透明質酸整高個鼻，或者點樣墊，視覺效果睇嚟豐滿啲。冇諗過整容，化妝已經好夠，個樣係父母畀我，唔應該整。」
另外，Rainbow因工作量多要常請假，所以稍後會轉讀夜校部：「出年會考前先停一、兩個月，依家唔會減少工作，有機會要把握。（學校有否要你減少工作？）冇，佢哋好支持我，冇人排擠我，有啲同學仲幫我儲報紙。」