郭晉安、梁靖琪（Toby）、蒙嘉慧、黃智賢和曹永廉等，昨日出席新劇《ID精英》宣傳活動，對於該劇將承接叫好叫座的《巾幗梟雄》時段播出，他們異口同聲表示對收視有信心。
安仔大讚黎耀祥飾演的柴九氣勢強勁，故替對方高興，不過他亦不忘幽默一番：「佢果然係一隻好『九』，不過我哋精英部隊一出，都應該爭取到高收視，目標起碼40點，佢係『九』，我係『英』，隊都隊死佢啦！」而穿上二十磅緊身制服的Toby，在活動期間不時抹汗及聲稱想暈，及後拿起盾牌上台作演習時，更差點絆倒人前，不論男女亦趁機作狀胸襲，令Toby沒有反抗之力。她說：「真係好辛苦，郁唔到，其實郁一郁都想暈。（頭先蒙嘉慧話胸襲你喎！）係呀！啲男仔都話第一次見我咁嘅造型，所以係咪都走嚟拍吓我囉！」