有「日版Paris Hilton」之稱的椋名凜（Rin），星途發展至今順風順水，她自言十分幸運，未曾遇上不法之徒，但卻遇過「傷心」賊，幸好沒有幻滅Rin對婚姻的憧憬，她坦言不排除閃電結婚生仔，盼望有一日與仔女一同行紅地氈！
現年24歲的Rin樣靚、身材正，不乏裙下之臣，但她暫時無意拍拖，現時以事業為主，全因她過去受過愛情重創：「我從來都冇畀人呃過，自己一個人由名古屋到東京發展都唔驚，唔擔心畀人呃；但竟然呃我嗰個係我最愛嘅人，佢背住我偷食，仲畀我捉到正，當時我真係好嬲，冇可能容忍，惟有忍痛分手！」
開化妝品公司
問她擇偶條件時，Rin斬釘截鐵說：「唔滾就得！」雖然在愛情路上受到挫折，但Rin仍對婚姻充滿信心與憧憬：「如果遇到啱，我唔排除閃電結婚生仔，但我唔會放棄演藝事業，我好希望將來可以同自己仔女一齊行紅地氈！」
醉心星夢的Rin，從沒有想過退休大計，她笑言「活到老、做到老」，喜愛挑戰自己。她坦言除了模特兒事業外，還希望來年作歌、影、視三棲發展，來年更主攻台灣市場。其後更與記者暢談未來大計：「其實我覺得同Paris Hilton家庭背景有啲似之外，大家對時尚都咁鍾愛，佢喺時裝界發展，我就喺化妝界發展，不過唔係依家，我諗2、3年後會開我人生第一間化妝品公司。」
Profile
日本名：椋名凜（Rin Kurana）
外 號：翻版Paris Hilton
出生日期：83年5月29日
三 圍：35E、23、34
高 度：165cm
體 重：41kg
最滿意部位：眼（夠大又有神）
最不滿意部位：Pat Pat（唔夠挺）