周秀娜喺中環剝衫個廣告，不時有男粉絲喺廣告板前影相留念，不過好多嫌佢把鵝公喉趕客！世事無絕對，最近有傳《Laughing哥前傳》搵佢做Laughing哥背後嘅女人，全靠佢把鵝公喉入型入格！
小小So：你係咪做Laughing哥老婆？
周秀娜：我仲未知呀！我仲咁新，有得拍就開心！唔使做女主角都得，我孭唔起咁大責任呀！
小小So：佢哋讚你把鵝公喉入型入格！
周秀娜：有眼光喎！估唔到我把聲咁特別，終於有人欣賞！第時如果有人問我有咩叻，我就話我有呢個特色！
小小So：要你性感有冇問題先？
周秀娜：做嘢冇所謂嘅，我信得過公司，不過3點不露！
小小So：3點（鐘）不露，咁4點（鐘）你先肯開工呀？
周秀娜：係呀！我3點不露，不過可以開早啲，開朝早11點囉！我讀緊演藝課程，要早啲起身！