諸葛梓岐入行後負面新聞不絕，近日再有她改名、報細年齡及虛報學歷等報道，惟她只以「無聊」作回應，又謂自己已經「屈到病」。昨日她為Jill Stuart新店開幕擔任模特兒時說：「我唔會再回應，好無聊。（係咪改名？）總之我只會專注工作，行好自己嘅路！（男友同媽咪點睇？）男友覺得冇嘢，笑吓就算，媽咪都話唔使理啲無聊嘢。（採取法律行動？）可能會，同律師傾緊。」記者再問她是否81年出生、今年28歲？她即說：「我係83年8月出世，生咗日先26歲。（會唔會攞身份證對質？）遲啲可能會，同律師傾緊。（係咪前男友爆料？）我以前啲男友唔會咁冇文化！」
