前晚舒淇獲Dior贊助晚裝裙及首飾出席活動，入行多年的她首次剪短頭髮，形象清新，她笑指自己戴上假髮，及後才說：「諗住清爽啲，上兩個星期一直好忙，又長又鬈嘅頭髮令我覺得好厭倦，所以決定剪咗佢。」她表示20吋長髮足足留了20年時間，長髮落地後，更望足兩分鐘，她搞笑地說：「返到屋企仲同佢祈禱，我冇喊！」
早前有傳她在康城表示不介意再以性感造型拍戲，舒淇澄清：「我冇講過，只講過欣賞大師級嘅作品。」又表示若時間許可，會捧黎明的演唱會場，對於有指他將在個唱宣布婚訊，舒淇說：「最好啦！開心事值得為佢哋開心！」
