本文重點
潮人黃偉文（Wyman）剛獲A級陣容紅星好友為他慶祝生日，其中麥浚翹（大寶）及麥浚龍（Juno）兩兄弟更分別送上金元寶形碟子及黑蠟燭，湊成「元寶蠟燭」贈興，難得Wyman大無畏，實行男人四十百無禁忌！
前晚Wyman、楊紫瓊、任達華與琦琦、王敏德與馬詩慧及中田英壽等，應邀出席Dior《黃金時裳：巴黎與倫敦1947至1957年》展覽兼09秋冬時裝發布會，悉心打扮的Wyman更特意在十隻指甲塗上螢光色甲油，妖味十足！談到日前舉行的四十歲生日派對，獲容祖兒、何韻詩、劉浩龍、何超儀、陳奕迅（Eason）與徐濠縈等到賀，Wyman直認相當開心，並說：「自己嘅明星嘉賓仲多過在場嘅Louis Vuitton活動，好似頒獎禮A級陣容！」問到有何最意想不到的生日禮物，他首選大寶與Juno這對麥氏兄弟所送的「元寶蠟燭」：「Juno送咗一大抽黑色蠟燭，佢阿哥就送金元寶形的碟。（元寶蠟燭？）係啦！唔知係咪夾埋！」但他自言百無禁忌：「我哋潮人冇所謂！」
笑徐濠縈賣蓮蓉包
對於生日派對當晚各人都悉心打扮赴會，Wyman說：「估唔到Eason着裙嚟，祖兒就準備四個造型！」他又笑指當日穿上Deep V長裙的阿徐賣蓮蓉包：「佢直頭係賣大包，佢自己結婚都冇賣，佢係蓮蓉包！」另一邊廂，何韻詩日前亦在網誌上載兩張Wyman生日會的照片，見Wyman一晚換兩套西裝，認真貪靚！
此外，近來忙於發掘影壇新血的楊紫瓊，前晚點名讚揚譚耀文，她說：「雖然佢唔係新人，但有潛質！」她更透露愛拍戲多於做幕後工作，如果拍動作片，更會首選於香港拍！同場的任達華則表示囡囡在父親節卡上寫上「Daddy I Love You」給他，令他笑逐顏開：「佢仲同我分享佢鍾意食嘅朱古力！」難怪他說未食已感覺甜到漏。