女人愛着高踭鞋，今季不少設計師發揮鬼馬創意，將Sneaker款的基因變種，加上高踭、船踭或斗零踭，獲天后力撐，掀起高踭運動鞋熱！以往平凡的平底Sneaker，今季玩變種高踭，大獲好評，圈中潮女紛紛追捧。潮爆的陳慧琳早於今年2月，為《左麟右李演唱會》擔任表演嘉賓時已率先穿上3.5吋高的DKNY高踭Sneaker。潮女薛凱琪亦曾穿上窄身牛仔褲配襯黑色露趾Sneaker，其款式更是4.5吋船踭設計，相當獨特。
至於楊千嬅亦穿上意大利品牌Sergio Rossi X Puma的變種Sneaker，她表示是在東京購買：「個店員話呢對係日本限量版，我鍾意佢易襯衫又幾Sporty，唔使次次着高踭鞋都咁斯文。」她更一口氣買下兩對高踭Sneaker，另一對是同牌子的魔術貼Mary Jane款式，後來又獲該品牌送贈一對紫色，問到穿後感，千嬅說：「咁高嘅鞋一定冇波鞋咁舒服，但呢對鞋底有軟膠，都幾好着。最緊要係可以令我高幾吋，我不嬲都鍾意高踭鞋，可以彌補我嘅高度吖嘛！」
