李彩華甲形流感

李彩華坦承是愛美之人，尤其喜愛美甲：「我搽指甲油嘅經驗起碼十幾年，細個讀小學時已經買指甲油，我專門喺星期五放學買番嚟搽，然後星期日晚抹甩，久而久之，培養出呢個嗜好。」Rain表示從來冇人教她美甲，只是自學，向來是潮人先鋒的她早已試過「Gel甲」：「Gel甲會令指甲形靚啲，修正番個甲形，不過要搵人整。」

Rain最愛收藏指甲油、花形圖案及閃碎石。	放大圖片	Rain將纖纖十指幻化成閃耀奪目的美甲。

考手力眼力

談及美甲心得，她表示最緊要手力、眼力及頸力：「搽指甲油時要慢慢嚟，唔可以心急，否則畫得唔勻稱；要全神貫注兼耷低頭，幾考眼力同頸力。最煩同嘥時間係等啲指甲完全乾透，都要大半個小時，我有時臨瞓前先搽指甲油，瞓覺嗰陣雙手放喺胸前，第二朝起身出門口就唔使咁趕。」

步驟：（左手）1.塗上底油後塗上白色及桃紅色甲油待其乾透。

2.塗上藍色、銀色及白色指甲油綑邊。

Rain偏愛深色指甲油，如棗紅色及紫藍色等，有時也愛白色及桃紅色，貪其充滿夏日色彩。此外，她最愛收藏花形圖案及閃碎石，並將它們黐在指甲上，優雅中見型格。談及護甲心得，她說：「最緊要用洗甲水清洗指甲，我啲指甲較薄同長身，每晚會搽潤手霜保護雙手同指甲，仲要吸收多啲維他命。」

步驟：（右手）1.用幼鉗將花花圖案及閃石黐在指甲上。

2.再用幼鉗將水滴形狀的閃石，黐在指甲上。