本文重點
原本被公司安排年頭去日本雪地拍寫真集嘅趙碩之，不但拍攝無期，連贊助費都即時畀晒師妹尹蓁晞（Yumi）同Melody去海南島拍寫真，難怪引起碩之對Yumi不滿。
尋日碩之、Yumi同Melody一齊出席老闆林建名公司嘅活動，佢哋一見到老闆就同佢講埋啲二級半嘢，話點解老闆間公司冇T-back賣，搞到老闆鬼咁開心。以短褲示人嘅Yumi玩遊戲時，忽然露底褲邊，搶盡碩之風頭！
冬天再出擊
對於碩之失寵，林建名話：「三個我都錫！」但Yumi同Melody即刻話：「我哋做Model嗰陣已經識，所以比較好傾！」佢哋仲好醒目咁話要以碩之為榜樣。對於不和傳聞，碩之竟然話：「你唔講我都唔覺同佢哋冇乜嘢講！其實大家一齊做嘢好似姊妹咁！」經理人最後仲解釋因為碩之太忙，所以之前先去唔到拍雪地寫真，問到點解唔畀碩之同師妹一齊拍寫真呢？經理人話：「碩之之前都拍過夏天寫真，再拍就好重複，想佢冬天先拍！」