本文重點
容祖兒（Joey）昨日到銅鑼灣鬧市為飲品廣告造勢，天后出巡吸引不少途人圍觀兼影相，她笑言廣告令她成為新一代「師奶殺手」，事關廣告相最快迷倒的便是容媽媽。
昨日Joey踩落銅鑼灣行人專用區為可口可樂的《開動快樂》MV舉行首播會，一身紅卜卜打扮的她顯得格外醒神，她笑言難得周六可到鬧市湊熱鬧，可感受一下銅鑼灣的「地氣」。Joey透露會依照心情着衫，她說：「好似今日着紅色，真係畀人感覺開心啲，如果我當日着黑色，咁你就知咩事喇，哈哈！」
唔知基仔今簽約
Joey自爆媽咪看完廣告即忍不住大讚她「好後生」：「媽咪晨咁早就打畀我，話今次廣告拍得我個樣好細個，好後生，今次呢個廣告令我成為師奶殺手，因為我媽咪就係師奶！（少男殺手好啲？）我都係，8至80歲嘅都幾鍾意我㗎！」另外，有傳古巨基將於今日動筆簽約英皇，Joey坦言未有聽聞，只會靜待他的消息，不會主動八卦。