在《巾幗梟雄》中飾演二奶奶的商天娥，傳與宣萱不和，昨日兩人同時現身電視城拍攝《掌上明珠》。娥姐否認不和，還大方與宣萱合照。她表示已無欲無求，只要拍劇開心便足夠：「啲人攬頭攬頸都唔代表好好，都要睇吓對方係唔係熱情。」娥姐透露《掌》劇中的每個角色有很多對白，大家都盡量投入：「大家係專業演員，唔係細路仔玩泥沙，成熟嘅女人會以專業、認真嘅心態開工。拍劇捱更抵夜係必要，唔使埋位當然坐埋一邊養足精神，唔通仲喺度傻笑咩？」她坦言只傳不和令她大感沉悶：「不如將我同監製或梁家樹傳緋聞好過啦！成日都傳不和悶死人。」
此外，宣萱前晚與林保怡拍攝拍拖戲時，笑言兩日咀陶大宇和林保怡是明益她，亦未為與娥姐的傳聞而不悅，問到兩人關係，她說：「我哋多對手，因為佢係我家姐。（不和？）No Comment！」