四奶奶敢愛敢恨認搶人老公

最近鄧萃雯憑《巾幗梟雄》中四奶奶一角，人氣急升，連其感情生活亦備受關注。早前有指她十年沒有拍拖，令她為之氣結，昨日無綫收費台播出的《志雲飯局》終舒一口氣，剖白過去幾段刻骨銘心的感情，當中包括初戀情人、亦師亦友亦父的萬梓良和失婚的鄭敬基，連96年因合作《我和春天有過約會》而傳緋聞的江華，她亦不開名談論。

江華和鄧萃雯因合作劇集《我和春天有個約會》而撻着。 資料圖片

麥潔文表示早已原諒鄧萃雯，與老公江華至今都十分恩愛。 資料圖片

當年江華被拍得連續六天到訪鄧萃雯香閨，當時沒有承認戀情，卻被江華夫婦數臭，雯女自稱不惜傾家蕩產要告他們！難怪陳志雲在訪問中以「特別經歷」形容這段感情，問到是否愛上一個已婚的男人？雯女說：「係，當時已知對方結咗婚，冇諗過破壞人哋嘅婚姻，只係諗住愛嘛！好多時第三者嘅思想好傻，對方一定令你覺得佢唔快樂，你喺佢身邊，你先係佢Right One，你先係最適合嘅人，覺得自己拯救緊佢。」

雯女表示當時愛得盲目：「我係一個可以為愛壯烈犧牲嘅人，但後來發現好傻，發覺唔係我想像咁完美……有好多原因同條件，令件事變得反目無情、無情到玉石俱焚，我好Hurt、好失望，唔通咁都唔走咩。」雯女透露在破碎家庭長大，從來沒有想過破壞別人家庭，而做第三者的動機亦不是要去傷害別人，主持人問她有否感到後悔？她以細路仔玩刀作比喻：「梗係有啦！冇咩事會令我後悔，呢一件係我唯一後悔嘅事！」

欣賞雯女努力補過

記者昨日致電傳被搶老公的麥潔文，表示已原諒雯女：「個個人後生都有做錯事，自己都錯過，上帝原諒咗佢，人哋做錯嘢都會原諒，好欣賞鄧萃雯近年好努力修補，亦欣賞佢承認自己做錯。（嬲佢？）嗰時有嬲，但慶幸唔係太怨恨，冇做乜嘢好難睇嘅事，令件事收拾唔到，祝福佢做好榜樣，因為時下啲年輕人，道德、操行唔係太好，希望佢能教育下一代。」江華則身在內地拍劇，至截稿前仍未回覆。雯文在電話中說：「人誰冇錯，最緊要係知錯就改，深信真心悔改，係會得到基督原諒。」