Sun Ball：杜鵑自認好命無罩返美

法國著名品牌Christian Dior昨日於香港文化博物館舉行《黃金時裳：巴黎與倫敦1947-1957年》展覽傳媒預展，晚上隨即舉行酒會，出席嘉賓包括楊紫瓊、舒淇與中田英壽等。預展除了展出5件由巴黎空運抵港、由已故Christian Dior與現任設計總監John Galliano設計的Bar Jacket外，還展出價值逾2,000萬港元的高級珠寶Dior Joaillerie的天堂幻想曲系列及Lady Dior手袋等。大會還邀請國際級名模杜鵑、劉丹、熊黛林與戴小奕示範09秋冬新裝。

熊黛林讚城城工作認真，更否認呷紀香醋。	劉丹任模特兒示範秋冬新裝。	戴小奕

擔任壓軸嘉賓的杜鵑表示今日起程返紐約，她揚言無懼豬流感，拒絕戴口罩上機：「大家放心，我條命幾好！我唔驚唔戴口罩搭飛機，其實美國嗰邊都冇人提，亦冇人戴口罩！（香港確診個案由美國傳入？）有好多都係外國輸入，真係唔驚！」她表示父母有傳短訊叫她小心：「其實豬流感同SARS唔同，有得醫！總之唔去人多嘅地方，注意衞生兼勤洗手！」

熊黛林甘做「阿四」

另外，藤原紀香早前來港約會郭富城，而熊黛林（Lynn）則全程玩失蹤，她表示當時身在內地。至於城城早前自爆會欣賞紀香的音樂劇，問到會否呷醋？Lynn說：「點解要呷醋？紀香之前都有睇阿城演唱會。（城城讚你大方？）多謝，我唔識答！（城城將女友排第四？）幾好，佢好上進兼孝順，我都將工作放第一，如果將來結婚就將家庭放第一！（讚你同紀香各有各靚？）每個人都知自己靚嘅地方！」此外，對於有指Angelababy被經理人Kim棒打鴛鴦，Lynn力撐經理人：「由始至終冇理我哋私事，總之Angelababy好勤力。（公司唔畀拍拖？）唔會！只要唔影響工作就OK！」