昨日蕭希榆戴上口罩現身跑馬地養和醫院，一臉倦容的她表示本月22日到沙巴拍攝MV、寫真集及唱片封套時感不適，擔心染上豬流感（H1N1甲型流感），故昨日回港後即到醫院檢查。希榆透露沙巴之行工作甚多，加上缺乏休息及拍落水鏡頭，令她感頭暈及全身乏力：「因為導演想拍我畀人掟落水，雖然我怕水，但係都頂硬上跳落去！返酒店轉妝時已經覺得唔舒服，夜晚做完嘢返到去成個人唔郁得！（擔心染上豬流感？）我都唔敢諗！又唔敢同工作人員講，驚佢哋擔心我！」經醫生檢查後，證實她只是疲勞過度，並沒染上豬流感，但可能會延遲今日到台灣的錄音之旅，以策安全：「要睇吓身體狀況許唔許可先！」
