Sun Ball：Jocelyn拒為慈善賣身

【本報訊】模特兒Jocelyn將與丈夫Anthony舉行拍賣會，目標籌40萬港元興建學校，作為尼泊爾街童的學費及膳食費。昨日二人帶同部分拍賣品見傳媒，當中包括樂基兒送贈的單車，Jocelyn說︰「好多謝佢，佢好支持，因為佢鍾意畫畫，所以髹咗架單車畀我哋。（可以叫黎明買番？）哈哈！都可以，不過一定好多人鍾意，我諗會有好多人爭，或者要500萬先買到。」Jocelyn為慈善出錢出力，但絕不會出賣自己，即使有富商邀約飯局，她也不會接受︰「我有老公，要去就同老公一齊去！」