- 2009年05月28日(四)
本文重點
【本報訊】張堅庭導演前排喺內地拍新戲，邀請小小So上去探班，通常去親探班都辛苦，不過今次辛苦得嚟又啲感動，點解？事緣張導演嘅安排非常周到！話說有日要朝頭早5點起程去拍攝場地，張導演好細心咁叫司機接小小So，仲買定份熱辣辣嘅早餐畀小小So，令人好感動！
唔Buy陳年舊歌
咪以為張導演拍電影先有好高要求，據小小So所知佢對乜嘢都要求十足，好似聽歌咁啦！真係唔正唔聽，而且仲要好Update，一於與時並進。
話說坐車期間，本來個司機大哥播緊一啲陳年到痹嘅舊歌，點知唔啱張導演嘅口味，佢聽到搖晒頭，仲即時拎出一張私人珍藏嘅王若琳CD出嚟，叫司機大哥換一換，同時又向小小So大讚王若琳啲歌咁好聽，因為把聲靚咁話。咁啱小小So又係佢嘅粉絲，大家就傾到開籠雀咁，一啲悶場都冇，講講吓兩個幾鐘嘅車程就完咗喇！
| ||||||||||||||||
