【本報訊】「翻版大S」馬穎敏擁有魔鬼身材，曾在節目中以低胸打扮迷暈鄭中基，原來現實中的她希望一嘗天體浴滋味！
早前馬穎敏（Liz）參加《美女廚房》之「美少女廚神」比賽時，竟敢在節目中取笑方力申的緋聞，還以火辣身材迷暈鄭中基，十分出位！對此Liz說：「我好鍾意講笑，諗住同佢（小方）講吓笑，冇諗過佢咁大反應！」Liz在16歲時，機緣巧合下踏上Model之路，不經不覺做了五年平面廣告Model，她說：「最初諗住可以接觸唔同階層嘅人，增加人生經驗，最希望做嘅都係警察，但依家仲考慮緊，因為唔捨得剪短髮！」
底線着T-back
拍攝當日，Liz穿起三點式盡騷34C身材，惹來不少泳客「喪
」，但原來她甚少去沙灘：「夏天都只會去一、兩次，因為怕曬黑，一白遮三醜嘛！去都會搽大量防曬，最誇張試過搽咗兩支防曬。（有勇氣去天體沙灘？）我都好敢作敢為嘅，如果喺外國有機會都會試吓！但係只限上身，下身最多都係T-back，中國人係保守啲嘅！」
一夜成名
Liz早前在「美少女廚神」環節中以低胸裙上陣，捧着菜式走到評判席前時，曾被指喪Rainbow的鄭中基突然站起來，邊盯着Liz的酥胸邊說：「為咗表示我唔驚，我決定企起身食。」即時哄堂大笑。難得她未被嚇親，淡定表現令她在網上人氣急升！
Profile
馬穎敏（Liz）
年齡：21歲
三圍：34C、24、34
身高：169cm
體重：49kg