播放本新聞相關短片

鍾舒漫棉花腳一仆即瘀

【本報訊】泳兒昨日以師姐身份率領鍾舒漫(Sherman)及湯怡,穿上超短裙及短褲出席大快活新店開幕禮,勁騷長腳。由於Sherman雙腳滿布瘀痕,她說:「我對腳係棉花腳,加上自己又唔錫身,撞一撞就會瘀!」她更自爆右腳膝頭的傷痕是半年前仆倒所致:「仆到連眼鏡都飛甩埋,得自己一個都不知幾無助,行埋一邊揭起條褲先知流晒血,即刻打畀朋友!(打畀緋聞男友Steven?)唔係!係女性朋友。」

另外,泳兒坦言羨慕古巨基以二千萬簽約英皇,她說:「二千萬我都好恨,當年新秀合約只有十蚊利是,不過每個月都有人工同車馬費!」對於有傳謝霆鋒約滿英皇後,有意與前助手開公司,她說:「傳啫!以前就會一山不能藏二虎,依家係百花齊放。」