張天愛（Flora）前晚身穿鄭兆良設計的晚裝，與老公王盛德出席由施華洛世奇元素贊助的《GALAXY國際芭蕾匯演》，她透露已在上海及北京開設幼稚園，還會一條龍開設小學至大學：「總共有四間，係傳統幼稚園，小朋友喺入面可以學芭蕾舞同武術，我同老公會教啲老師芭蕾舞同武術！」
剛從美國返港的張天愛表示，因擔心感染豬流感，故經常戴上口罩，卻被美國人眼望望：「我戴口罩，啲人以為我詆毀佢哋，我問人先知道，美國人唔當係乜嘢！為免令人咁緊張，我惟有做個Natural Colour嘅口罩，睇落去好似冇咗個口咁！」而姍姍來遲的傅明憲被問到感情生活時充耳不聞，好友劉清儀即拉她入場，並說：「我嚟護駕、護駕！」
