今個春夏，各大少女品牌加入Ruffles元素，青春逼人的李曼筠（Maggie）亦對Ruffles設計愛不釋手：「我好鍾意Ruffles同Lace花邊，雪紡加Ruffles畀人感覺好舒服、好飄逸！」問到有否衣着心得，她說：「Ruffles好易着到好肥，所以比較肥嘅位置，最好唔好有咁多Ruffles喇！用啲簡單嘅配件去襯，會着得靚啲！」
星級形象指導郭慶彬（Ricky Kwok）亦指Ruffles是今季大熱：「東方人下身偏肥，所以盡量唔好着有Ruffles嘅裙，反而上身衫，例如袖同領口位有Ruffles就OK。如果真係要着Ruffles裙，上身要簡單啲，襯件貼身衫已經好靚！」
