鄭爸爸唔逼Ronald做CEO

過去兩屆《新城勁爆頒獎禮》，金牌大風在Paco領軍下，拒絕旗下歌手出席「玩杯葛」，但Paco被調職後，新城與金牌大風的關係即時變好，前晚新城在廣州舉行的《華語音樂盛典2009》，身為金牌大風老闆鄭東漢與陳輝虹結伴到場，因Sa爸亦同場，兩位「緋聞親家」亦不避嫌打招呼傾偈。對於兒子Ronald是非纏身，鄭東漢表示兒子未有向他訴苦，問到兒子當CEO時，他即代兒子澄清：「我相信佢個人唔可能，認識佢嘅人知佢唔想做！（你想唔想個仔做？）反而我都唔想，謠言係會消失，放長雙眼去睇啦！佢做緊鍾意做嘅嘢，做得咁開心，唔會逼佢。」隨即指着陳輝虹說：「佢就係公司CEO。」

方大同	G.E.M.奪「樂迷最愛女新人」獎。

Kay方大同成贏家

提到與新城「破冰」，陳輝虹說：「不嬲唔係唔啱，只係合作上冇咁和諧，嚟緊我哋希望喺頻道上得到支持。」對於有傳放棄傅穎及小肥，輝虹即避重就輕表示公司與旗下歌手均有合約，他承認早前傅穎走音，給觀眾留下負面印象，但相信她只是潛質未發揮。至於有指公司歌手分黨派，Ronald是「太子黨」，陳輝虹強調沒有此事，坊間很多揣測，但時間是最好證明。

穿迷你裙上陣的胡琳，勁歌熱舞娛賓。	陳輝虹（左起）、鄭東漢及向雪懷結伴出席《華語音樂盛典》。	Sa爸與「緋聞親家」鄭東漢同場，亦不避嫌打招呼。

至於前晚方大同與謝安琪（Kay）均獲得三個獎項成為大贏家，而黃耀明亦奪得兩獎，並計劃「人山人海」十周年演唱會選廣州為首站。而久違的江希文則擔任表演嘉賓，對於被指與廣州有婦之夫的商人拍拖，她澄清對方只是其經理人。