本文重點
由巴塞隆拿對曼聯嘅歐聯夢幻決賽，將會喺香港時間28號凌晨2:45假意大利羅馬嘅奧林匹高球場上演。尋日樂壇天后容祖兒就同大家分享過佢嘅心水，睇好巴塞隆拿可以捧盃啦！咁唔知近期人氣熱爆嘅「秀身天后」周秀娜，心目中又想邊隊揚威羅馬呢？
C朗大隻型男
「我好希望曼聯可以贏囉！因為我好鍾意碧咸，而佢係喺曼聯成名嘅，雖然佢已經轉咗會好耐，但係我都會繼續支持曼聯。呢場波曼聯可能會贏3:2，功臣相信一定會係既靚仔、又好波嘅C朗拿度啦！佢除咗球技同個樣之外，嗰排腹肌都好吸引㗎！講到睇波，有咩好得過成班Friend一齊睇先？一邊食嘢、一邊睇波，大叫大笑，感覺好正。我Check過喇，歐聯決賽嗰日我冇嘢做，一定會睇直播。」