正式約滿bma的關心妍（Jade），昨日仍獲公司派助手結伴出席《現代美容中心大埔超級城分店1周年誌慶》，可謂對她呵護有加。提到約滿一事，Jade以「長途賽完咗」來形容賓主關係：「嚟緊會出埋最後一張唱片。（有信心？）盡力去唱好每首歌。」
有傳Jade於年底與拍拖多年的男友楊長智拉埋天窗，問到回復自由身會再簽唱片公司還是想結婚？她說：「簽約問題未知，想抖一抖諗清楚，下星期會返加拿大一個月，返嚟再算。（返嚟搞婚事？）唔係！（男友開公司簽你？）唔會！佢唔掂呢個範疇。（男友有意想求婚？）唔知係咪有意思，近日見佢靚仔咗！」
