本文重點
一向唔憂柴唔憂米兼周身名牌的有錢女陳見飛，隨着父親陳澤民破產亦變得慳家，更揚言很久沒有買名牌，只在櫥窗外望梅止渴，更懂得擔起頭家，努力賺錢！
平治E系列豪華房車及轎車前晚舉行新車發布會及派對，陳見飛（Tricia）與男友雙雙出席，雖然父親陳澤民已破產，但Tricia卻挽名牌LV手袋出席活動，惟她強調手袋是陳年舊貨：「個手袋係細佬（陳冠希）幾年前買畀我㗎！佢成日送手袋畀我，我冇行LV好耐，依家只係Window Shopping咋！（係咪想儲錢幫Daddy還債？）我都希望有呢個能力，我係想幫成個Family！」她又透露近期工作不斷：「自從Daddy件事之後，我接多咗Job，啲公關朋友好錫我，工作多咗一倍，所以呢兩個月都會比較忙啲！」
大肚李樂詩日食9餐
大會邀請多位名人明星捧場，包括袁彌明、陳逸璇、黃家諾及翁嘉穗等。至於懷有四個月身孕的李樂詩則與友人齊齊到場，問到身體有否起變化？她說：「依家成日都作嘔作悶！又成日肚餓，老公帶我食嘢，我一餓就發脾氣！一日要食9餐！」她表示預產期是10月，本來計劃開刀，但現時又有意順產，並透露將與老公過二人世界，慶祝下月的結婚一周年紀念。