無綫昨日進行了一次大裁員，眾星對此議論紛紛，宣萱坦承工作受影響：「其實之前裁咗員少咗人做嘢，拍外景時都有少少影響，但影響都唔係嚴重！我只希望人人有工做、有收入啫！不過經常傳裁員，開工時啲氣氛都唔係咁開心！」
至於有朋友被裁的馬浚偉說：「有幾個識咗十幾年嘅外景組朋友都裁咗，梗係唔開心！藝員永遠都唔會明白高層嘅決定！對咁嘅決定我哋無能為力！只希望公司開創新職位時會優先考慮被裁嘅同事。」至於鄭裕玲亦表示感不開心，希望裁員潮能停止！湯盈盈、陳敏之亦對裁員感不快，但陳敏之認為要尊重公司決定，體諒公司必有原因。
