本文重點
蔡卓妍（阿Sa）與緋聞男友鄭中基感情穩定，對於有傳兩人以情侶檔拍攝賀歲片，阿Sa坦言未有定案，還笑言若要在戲中與緋聞男友咀嘴，有意提高片酬，她說：「錫一秒收十萬！」
蔡卓妍昨日以一身高貴打扮出席活動，有指她有意與鄭中基情侶檔接拍賀歲片《花田囍事2010》，身旁的經理人霍汶希（Mani）說：「睇報紙先知，都有打去問，但佢哋話未定。」問阿Sa會否接拍？她說：「睇導演同劇本，自己唔係咁揀擇。（有親熱戲？）唔介意，人哋唔嫌棄我已經好好。（怕唔怕太熟好難做？）我係專業演員。」
檔期密麻麻
問到是否因為情侶檔而提高片酬？阿Sa說：「可以咁樣？等Mani安排。」Mani笑說：「咁搞搞佢，攬加十萬，錫加二十萬。」阿Sa聽後哈哈笑說：「錫一秒收十萬，講吓啫！點會有人咁戇居，人哋搵我先算啦！」Mani透露阿Sa下半年的檔期已排得密密麻麻，要接拍兩套電影及宣傳偶像劇，阿Sa說：「因為套偶像劇上映，所以要出席好多宣傳，之後又要開拍電影，所以未必有時間。」
同場的曹敏寶力撐家姐曹敏莉拍劇時沒有被謝天華鹹豬嘴，她說：「佢同天華Friend過打Band，相信中間出現誤會，同埋天華咁專業同咁有眼光。（就係有眼光睇中你家姐？）唔知。」而曹敏莉昨日接受查小欣訪問時，亦否認曾投訴謝天華抽水。