周麗淇、官恩娜及徐浩等昨日出席《東亞運動會義工計劃義工手印牆》活動，但容祖兒、陳偉霆、泳兒及鄭融則未有出席，召集人之一李再唐表示英皇歌手由東亞接洽，鄭融則因病缺席。而東亞宣傳部副總監郭小姐解釋早上才收到英皇通知歌手因事缺席，但英皇藝人管理及唱片部總監Mani則說：「我哋早幾日已通知港台有事，唔係朝早先通知！（耍大牌？）唔會，港台冇必要同我哋夾講大話！」
而祖兒昨日接受新城訪問時說：「我冇收到通知，我係番薯仔，下次會了解清楚！」她透露昨晨到可樂廠參觀。對於有傳古巨基加盟英皇，祖兒說：「佢入嚟一定有合作嘅，公司陰盛陽衰，有個男歌手都開心嘅！（有傳基仔頂替謝霆鋒做一哥？）邊有咁快約滿（指霆鋒）？都有時間剩嘅！」