名模Mandy Lieu昨日穿貼身Tube Dress，與鄧麗欣及陳偉霆出席手機活動。對於男友陳柏霖被爆與桂綸鎂親密夜會，Mandy笑言百分百信任他，不介意他與異性單獨約會：「佢都有介紹桂綸鎂我識，佢哋係好朋友，我知道佢哋出街，嗰晚行書局都有打畀我。佢女性朋友唔多，最熟咪桂綸鎂。」
此外，提到緋聞口靚模女友Angelababy正身在爆發豬流感（H1N1甲型流感）的日本，陳偉霆直言未有聯絡對方：「咁大個女識保護自己。」對於近期兩人關係被指疏淡，他坦言不欲多講愛情，專注工作。鄧麗欣則透露稍後與古天樂合作新片：「終於唔使同方力申拍檔。（擔心公司人事變動？）我啲工作排到年尾。」
