本文重點
蔡卓妍（阿Sa）昨日與劉嘉玲到上海出席活動，嘉玲表示已向上天報名生仔，但未有打算找代母。至於阿Sa則否認與緋聞男友鄭中基合拍賀歲片，但不介意再合作。
劉嘉玲與阿Sa昨日出席Swarovski CRYSTALLIZEDTM上海旗艦店的開幕儀式，獲創辦人玄孫Markus Canges送贈首飾，場面熱鬧。最近有指阿Sa即將與鄭中基再結片緣，合演賀歲片《花田囍事2010》，但她即時否認：「未聽過囉！（想唔想合作？）劇本啱嘅唔抗拒，有啱嘅工作都可以一齊做。（床上戲呢？）到時先算啦！接吻戲都拍過！」不過，阿Sa透露已落實接拍爾冬陞新片《鎗王之王》，飾演白衣天使，與型男吳彥祖配成一對。她表示未曾與爾冬陞合作過，故對《鎗》片充滿期待。
梁太嘉玲則繼續被追問生育大計，雖忙於拍新片《狄仁傑之通天帝國》，但她坦言已向上天申請報名：「其實有咗都可以拍戲，接落啲廣告都冇話唔畀大肚。我諗會好享受大肚過程，所以唔考慮搵代母幫手，更加冇諗過要雪藏卵子。」她還表示由於天氣轉熱，相信為《狄》片開工會非常辛苦，但無意倣效關之琳宣布退休：「拍戲有拍戲嘅滿足感，所以咁辛苦都仲有咁多人繼續拍！」
拒再見郭台銘
提到台商郭台銘再為人父，問她與對方有否見面時，嘉玲反應頗大地說：「點解要見面呀？（朋友嘛？）朋友都未必要見啦！但都戥佢開心嘅。（話你之前喺台灣喪玩？）年輕時想玩就玩，但隨住年紀轉變咗，呢方面偉仔好尊重我嘅。」