本文重點
容祖兒喺新一輯可口可樂廣告主題曲《開動快樂》MV中，着住露肩花花裙，化身幾個角色扮Band友，不但做主音，仲要扮埋琴鍵手、鼓手同結他手，型到爆！
容祖兒喺MV中挑戰演技，完全未玩過樂器嘅佢，要一人分飾幾角，扮唔同崗位嘅Band友，包括主音、琴鍵手、鼓手同結他手，而且仲要對住空氣扮夾Band，陶醉得嚟又要指手畫腳扮Jam歌。不過祖兒好快就掌握到扮嘢竅門，佢仲好鬼投入，令到拍攝現場氣氛好熱鬧，好似真係喺度夾緊Band咁。
享受樂趣
扮完咁多個唔同角色，祖兒發覺自己對結他手最有興趣，仲話好希望做一位結他手：「好有型，結他手可以將樂器掛喺身上，一邊唱、一邊彈，仲可以一邊跳，可以好盡情咁享受音樂同夾Band嘅樂趣。」