林敏驄踩椋名凜米粉屎咁臭

文：影視組　攝：司徒國榮

唐詩詠落力煮，崔建邦在旁鼓勵！

椋名凜（右）與葉玲雞手鴨腳炮製「喇沙米粉」。

梁靖琪、唐詩詠、椋名凜、葉玲、譚嘉麗及尤鳳音前晚錄影《美女廚房》國際賽，「波濤胸湧」的椋名凜與葉玲實在「睇得唔煮得」，夾手夾腳將「喇沙米粉」炮製成「屎味米粉」，被林敏驄取笑她們全憑「波啲Language」溝通，又指住椋名凜的胸部猛說：「Ki Mo Chi ii（舒服）！」其後二人還將未清洗好的墨魚及米粉加入咖喱粉烹調，變成陣陣屎味的糊狀物，之後又試圖加椰汁「整色整水」，混和後，氣味更加難頂，令美味天使王宝宝與梁漢文都嘔吐大作！而林敏驄及黃宗澤等評判亦要戴上口罩才敢走近，林敏驄說：「呢煲係日本地獄渠王灰灰黑黑臭到出汁、又酸、餿、臭，係傳說中嘅屎呀！食咗延年益壽，鄭中基你食咗一定做到CEO。」

林敏驄隔住口罩試食，食到乸口乸面！	黃宗澤被餸汁弄污褲襠，椋名凜當眾為他清理，全場嘩然！	本來想嘔的林敏驄，慘被武力對待，最後要「焗吞」！

評判試食時你推我讓，林敏驄與鄭中基隔着口罩試味也臭得嘔吐，最誇張的是黃宗澤試味後要飲藥油辟味。結果椋名凜與葉玲的「傑作」獲得一致負分，林敏驄更給了負一萬分：「呢煲嘢係用嚟通渠或者放喺門口辟邪。」

唐詩詠靠崔建邦搶分

至於被指背女友偷食的崔建邦，近日連番與唐詩詠情侶檔亮相修補形象，不斷被稱呼為「崔嫂」的唐詩詠剁肉碎時，林敏驄說：「再出去飲酒，就將你剁成肉醬。」不過唐詩詠與梁靖琪煮的菜式算是較為正常，加上評判畀面崔建邦給予「家屬分」，方力申及梁漢文笑言日後要上崔建邦主持的《勁歌金曲》宣傳新碟，故大讚唐詩詠的菜式美味兼給滿分，並笑言世界就是如此黑暗！黃宗澤評分時，崔建邦又搭着他的膊頭施壓，冷不提防被林敏驄掌嘴阻止。問到可覺得評判偏幫？唐詩詠說：「唔會！真係好好味㗎！值十分㗎！（崔建邦畀林敏驄摑心痛？）佢成日都係咁，預咗畀人玩！」