陳豪與Amanda S.昨日為平治活動擔任嘉賓，為拍劇增肥的陳豪表示，有纖體公司向他招手：「我都有興趣。（要打大赤膊拍廣告？）如果有身材、健康同多肌肉，拍出嚟又美觀，我都唔介意露。」問到會否擔心吸引同志，他即自爆曾受同志青睞：「有兩次都係發生喺健身室嘅更衣室內，但唔係擺明車馬。有次沖涼，我將內褲放喺上面，轉頭發覺唔見咗，好在佢留番條毛巾畀我，最後要坦蕩蕩咁離開。另一次亦係沖完涼，發覺Locker有支玫瑰花。」
至於Amanda S.則透露，本打算今年買車，但有堪輿學家指她今年內駕車會發生危險，故押後買車大計，問到會否叫男友送，她笑說：「或者，佢都賺到錢，點解唔可以！」
