Janice打本開舖助衞詩從商

衞詩（Jill）在日本因藏毒被捕，候審的2個月間，衞蘭（Janice）陷入27年來最黑暗的人生低潮，飽受精神煎熬，幾近瘋癲！Jill被判緩刑後，她終可鬆一口氣，日前更帶同一對如她和Jill的6歲孖生姊妹小演員黃雪妍及黃心妍，到遊樂場及沙灘玩個痛快。

Janice與小孖妹玩到癲，童心未泯。	大孖黃雪妍（左）與細孖黃心妍專心堆沙，Janice齋睇亦開心。	放大圖片

設計首飾有天分

回想已成過去的苦澀日子，Janice認為妹妹已受到教訓，而她亦明白「自強」才是兩姊妹的出路：「喺正面啲嘅角度睇，獨自面對困難時，只可以自己幫自己，要Fight贏自己！（係咪贏咗？）係過咗一關，同妹妹一齊過。」她認為Jill「自食惡果」不失為一件好事：「如果唔係發生呢件事，佢唔會真正反省，亦唔會識珍惜。」Janice最感安慰的，是Jill正努力增值自己，當她發現妹妹在首飾設計方面有天分後，即在網上訂購設計書籍送給她，讓她發展另一種才華，Janice希望將來有經濟能力時，可打本讓妹妹開飾物店：「首飾設計佢真係好叻，如果唔係做生意，攞啲首飾嚟做慈善都好吖！」

Jill（右）出事期間，Janice一直牽腸掛肚，精神幾近崩潰！ 資料圖片	放大圖片	走出陰霾的Janice決定努力儲錢，打本開舖讓妹妹打理。

憑眼神了解黎明

雖然在工作上分道揚鑣，但Jill已成為Janice的工作原動力，她指妹妹出事的時間撞正她的錄音期：「嗰時情緒好混亂、好複雜，但唔想一個人坐喺屋企胡思亂想，所以堅持繼續錄音！」她表示錄音期間，腦中一直想着妹妹：「當時入到錄音室，每錄一首歌，個腦都諗住喺外面嘅妹妹，呢個Power係一種好大嘅動力，以前錄音唔會發生。」

Janice陪小孖妹打沙灘波，現場笑聲不絕。

Janice翹手、「木嘴」扮背後的阿叔，十分鬼馬！

談及7月推出的首張英語專輯，Janice蠻有滿足感地說：「Fans成日問我幾時出英文碟。」向來疼愛她的老闆黎明，亦給予不少意見。黎明在別人眼中堪稱「高深莫測」，但經過3年相處後，彼此的溝通已昇華到「無聲勝有聲」的階段，Janice說：「有時黎生（黎明）一個眼神，我已經明佢講乜，不過有時都要諗4、5個鐘先明，我唔夠人聰明吖嘛！」