本文重點
昨日是Twins成立8周年的大日子，雖然二人暫時以個人姿態發展，又要分隔兩地工作，但蔡卓妍（阿Sa）感慨8年時光飛逝，期望盡快與鍾欣桐（阿嬌）「二合一」。
阿Sa、陳偉霆及樂隊Dear Jane昨日應邀出席《飛躍校園》活動，曾以Twins身份擔任「校監」的阿Sa，今屆獨自做「校監」，問她可有感觸，她說：「既然接受咗狀況，就要為將來嘅路繼續行。其實Twins初出道都成日做校園騷，朝早6點起身化妝Set頭同熱身，眨吓眼就8年啦！」她又透露昨日是Twins成立8周年的大日子，她希望盡快與阿嬌「二合一」：「其實我同阿嬌計劃緊10周年嘅大型活動，想搞音樂劇或演唱會！」
早前有傳她將參與由其男友鄭中基主持的《美女廚房》，阿Sa表示還在度期，對於監製錢國偉笑言計劃「玩新人」，她說：「真係滴汗！」而同場的陳偉霆表示，在學校成立舞蹈會時最開心，但入行後感到壓力很大：「跳舞的確可以吸引異性，不過我唔算係萬人迷！」
前後腳上海工作
另外，阿嬌與鄭希怡（Yumiko）昨日現身上海，出席代言的護膚品牌依奈活動，品牌以七位數字邀請二人擔任代言人，阿嬌表示早前與Yumiko結伴到廣州拍廣告，感覺猶如Twins的翻版。對於Twins成立8周年，她說：「好開心，不過今日要分開做嘢！（約阿Sa食飯？）我知佢聽日（今日）會嚟上海，不過應該緣慳一面，或者喺機場見！（歌迷聚會？）公司傾緊，不過唔會喺呢兩個星期啦！」