昨日譚凱琪出席M&M'S爭奪戰活動，提到將起程到美國拍輯飲食及旅遊節目，她說：「我冇因為豬流感疫情而減少出埠，嚟緊會去美國，未定幾時出發，我都有啲驚，公司叫我唔使驚，萬一出事，我係香港首個感染藝人，到時可以搶先獨家報道。（預防措施？）冇！但我媽咪叫我返屋企大掃除，注重家居清潔，佢知道我啲嘢四圍放，叫我執屋！我都唔想受感染，但有時避都避唔到，會盡量小心。」問到知否恩師小室哲哉因「版權費」被判緩刑？她表示戥小室開心，多謝恩師栽培：「我哋冇聯絡，當年合作佢對我好好，我都唔想佢有事！」
另外，美少女廚神Rainbow日前到荃灣廣場Shopping，適逢該廣場舉行日本慶典活動，她表示最喜歡夏祭：「本來打算暑假同朋友去東京玩，但日本嘅流感咁勁，依家打消咗呢個念頭！」