本文重點
近日豬流感（H1N1甲型流感）確診個案在日本激增至逾百宗，令正身在東京工作的口靚模Angelababy（楊穎）及Kama（羅凱珊）大為緊張，實行「嚴陣以待」！而諸葛梓岐（Marie）更決定取消到日本拍寫真的行程，損失10萬元！
豬流感疫情在日本迅速蔓延，疫區更由神戶市蔓延至大阪！剛簽約日本avex公司的Angelababy昨日出發到東京工作，經理人Kim表示Baby將在日本工作兩個月：「其實未爆發豬流感之前，佢都一定會戴口罩上機，不過今次日本avex嗰方面要求佢一定要戴口罩，我同佢屋企人都好擔心，不過佢今次唔係住酒店，而係住公司安排嘅私人住宅，冇咩嘢佢都唔會出街㗎喇！如果疫情再嚴重啲，我哋會叫佢即刻返香港先囉！」日前Baby替法國婚紗拍攝廣告，首次拍攝婚紗廣告的她和男模特兒James在豪華遊艇上拍照，令她對婚姻充滿憧憬。
至於上星期五已出發到東京工作的Kama，同樣要逗留在日本兩個月，問到她在日本的情況時，Kama驚慌地說：「係呀！我都好擔心，雖然東京暫時唔係疫區，不過我日日見到新聞報道都好驚，屋企人都係咁打嚟問我點，所以我都去藥房買定口罩同消毒液，仲有少啲出街，冇咩做我都會留喺屋企自己煮嘢食，同埋注意個人衞生啦！」
諸葛梓岐書財兩失
另外，原定準備到大阪拍寫真的諸葛梓岐（Marie），已決定延遲行程，更因取消已預訂的酒店及機票而損失十萬元，她坦言寫真已趕不及在今年書展推出，她失望地說：「我仲諗緊去唔去嗰時，我媽咪已經落咗Order話無論係工作定旅行，都唔會畀我上飛機！」雖然日本之行告吹，不過日前Marie在男友旗下的卡拉OK舉行Fans Club聚會，一樣可以玩餐飽，當日約有二百名Fans出席，問到是否男友免費借場給她？Marie只是甜笑而沒有回應。