梁漢文與方力申昨日率領來自馬來西亞的《Astro國際華裔小姐競選2008》冠軍譚嘉麗、《Astro國際華裔小姐競選2007》冠軍尤鳳音、日本模特兒椋名凜及台灣新人葉玲等，為晚上錄影的「國際賽」進行熱身，並為收視慶祝及宣布加至二十六集。椋名凜與葉玲均性感打扮出席，一招「俯身食臭豆腐」更搶盡「峰」頭。當被讚性感時，葉玲以半鹹淡廣東話說：「女人就係要咁，老公下班見老婆咁靚至返屋企食飯，我晚上仲性感！（唔怕走光？）咁你賺咗啦！（性感搶分？）我睇過Amanda S.錫評判就十分，我睇吓錫邊個。」
面對一班性感女星，梁漢文也笑言「頂唔順」：「我係正常男人嘛！（性感畀高分？）着咩衫都好，最緊要玩得投入。」方力申則語帶雙關說：「睇樣啦……係睇碟餸嘅樣，因為我唔識食嘛！」
