周麗淇（Niki）昨日出席《Huggies BB細運會@apm》活動，提到前緋聞男友鄭嘉穎再被拍得於私竇見佘詩曼，Niki聞言即事不關己說︰「又問我！唔關我事，好Out啦！（你對呢啲新聞冇Feel？）唔講啦！好Out啦！我冇睇呢啲新聞。」不過，當談及湊BB樂趣時，她即表現興奮，並直言想做阿姨︰「我想做阿姨。（想唔想有混血BB？）你問我定我父母先？我媽咪冇催，如果家姐（周汶錡）生BB，佢一定係潮媽，可能會畀我湊。至於我就想循序漸進，結婚先生BB。（怕唔怕有意外？）我好小心，好安全，萬一有咗就結婚，但唔好咁啦！我好傳統。（有對象？）就係冇！所以依家好安全。」
