昨日趙碩之出席活動時表示，不知道鹿筋及鹿尾羓是甚麼：「鹿筋好似不求人咁，而鹿尾羓就好似滑鼠。（知唔知鹿尾羓係鹿嘅邊度？）咪係鹿嘅尾巴囉！」自言廚藝一般的她透露，會以其他方法箍住男友的心：「好在大家冇機會知道我嘅手勢，如果唔係就會影響我將來嘅婚姻。（擇偶條件？）除咗煮嘢叻之外，仲要識按摩！（學廚藝增值？）我會以其他方法捉住佢個心，不過唔係用身材，因為咁嘅男人好易拈花惹草，我會靠按摩箍住佢！」
她又自爆小時候曾叫媽媽用石頭煲湯：「點知佢真係照做，仲落啲菜嚟做調味，好搞笑！」因工作太忙關係，趙碩之未能常常喝到媽媽的愛心靚湯：「啲湯都係媽咪自己飲，所以佢依家皮膚仲好過我！」
