本文重點
Soler大哥Julio昨日出席活動時，踢爆細佬Dino成功向圈外女友求婚，更鐵定年底擺酒大宴親朋。
周麗淇（Niki）、Julio及農夫昨日到奧海城出席《語常會2009年推廣普通話活動之普通話嘉年華》，Julio透露細佬Dino因連續四天在廣州出席宣傳活動，疲勞過度兼聲帶發炎，故缺席活動，而他亦因聲沙及眼睛發炎，故全程戴黑超。不過兩兄弟前晚有出席有線娛樂台主播區永權的婚禮，Julio盛讚一對新人十分合襯，問他何時結婚時，Julio說：「係都係我細佬先，佢年底會結婚！」
多倫多宣傳拒咀
Julio透露Dino與圈外女友Nancy拍拖兩年，年初Dino親自作了一首英文情歌向女友求婚，而他目前正忙於籌備年底舉行的婚禮，Julio說：「首歌會收錄喺我哋嚟緊張國語碟入面！」對於被細佬爬頭，他說：「邊有爬頭呢啲嘢㗎，反而戥佢開心！（幾時到你？）唔知！可能有一日我會突然宣布結婚！」另外，前晚Soler出席《勁歌》活動時透露，稍後會到多倫多宣傳，但擔心豬流感（H1N1甲型流感）肆虐而避免與熱情的歐洲人親嘴，最多只會面貼面！
Niki日本喪食增磅
此外，剛從日本拍攝個人特輯返港的Niki，自爆在當地喪食，故返港後胖了不少，故要努力Keep Fit：「我浸咗好多次溫泉，仲係去公眾大池，反正冇日本人識我，而且上落水都會用毛巾包住，之後再衝上房沖身！」