本文重點
陳志雲愛將崔建邦被本報踢爆夜蒲
女後，尋日主動約陳總同正印唐詩詠食齋，唐詩詠亦好配合，話唔嬲又合照！新「邦女郎」就被起底，原來係個水着女。
女後，尋日主動約陳總同正印唐詩詠食齋，唐詩詠亦好配合，話唔嬲又合照！新「邦女郎」就被起底，原來係個水着女。
邦邦女斷正後，尋日即刻約女友唐詩詠同陳志雲食齋補鑊！唐詩詠拎住篇女報道係咁嗒，好似冇嬲咁，仲企定定畀記者影合照，鬼咁大方！佢話：「點解要嬲？每個人都有私人空間，去玩好正常，而且佢有同我講跟側田飲嘢，啲相都冇咩。佢亦有解釋摷袋嘅相，話跟側田睇吓個袋入面嘅間隔！（今日肯定正印地位？）都係朋友啫！」至於邦邦亦話冇畀女友罰頂痰盂：「佢冇嬲，大家明啦！面貼面係因為Double位，摷手袋係因為側田話每個Chanel袋都有個位放Love Letter，我咪摷吓囉！」
主持新節目講夜蒲
陳總亦好「攬」愛將，話邦邦7月會主持新節目《My Name is 邦》，佢話：「佢嗰日有知會我，話側田同佢補祝生日。我頭先同崔建邦傾，話不如頭炮搵側田做嘉賓，傾吓夜蒲時點樣先唔會畀人話去女，亦計劃搵唐詩詠，撮合佢哋多啲幕前合作。」
至於新任「邦女郎」亦被讀者起底，原來佢係身高5呎8吋、擁有32B上圍嘅水着女模陳詠楠（阿Wing），有網友仲為佢開討論區，上載大批噴血水着公諸同好！