播放本新聞相關短片

郭可盈闊太出巡得個吉

與呂良偉拍完新劇《富貴門》的郭可盈，未有如阿呂般積極傾Job，反而悠閒地四出購物。日前約下午六時，穿上鬆身衫、四個骨牛仔褲的可盈，手挽着一個今季ISS新款、價值約萬五元的Balenciaga手袋，一身闊太打扮到中環置地廣場的名店Shopping，更帶同助手幫手拿東西，睇衫又睇高踭鞋。可惜逛完一輪後，可盈仍未有揀啱心頭好，後來發現記者後即匆匆乘電梯離開，步行到附近酒店的落客區，在司機接送下離開。
郭可盈在名店左揀右揀，但仍空手而回。
  • 郭可盈在名店左揀右揀，但仍空手而回。