曾參選亞姐、最近與陳奕迅結片緣的模特兒姜紫藍，日前大爆模界黑暗一面，指早前一名著名模特兒公司老闆約她見面，但並非洽談工作，只是對她「有性趣」，更開定「套房」等候佳人！
在新片中飾演陳奕迅七奶的前亞姐模特兒姜紫藍（Color），日前接受本報訪問時透露，曾有一名頗有名氣的模特兒公司老闆借故約會她上酒店總統套房，暗示晚上一起度春宵！她聲淚俱下地說︰「我原本係AModel嘅模特兒，當時同公司仲有半年合約，咁啱有個模特兒公司嘅老闆成日打嚟約我飲嘢，於是我就應約。點知嗰日佢打嚟話改去酒店大堂等，咁我覺得地點都安全咪去囉！以為佢係想簽我，點知去到佢只係同我講無聊嘢，完全同工作無關，我忍唔住問佢會唔會簽我，點知佢淨係遞張酒店匙卡過嚟！我咪問佢咩意思，佢只係話開咗間房食嘢，唔想坐大堂畀人望住或者撞到熟人。」結果Color不虞有詐，到達時才發現原來是總統套房，但心想要逃跑也不難，於是與對方入房並點食物。
逗下巴咬耳仔
期間，該老闆繼續與Color閒話家常，卻突然逗她下巴兼在耳邊說話，相當主動！未幾，男方終於露出狼相，表示有事要先離開，捉實她的手問可有空在此過夜等他回來︰「你覺得OK就得，你諗吓先啦！唔使即刻答，匙卡你Keep。」她見狀即以與家人晚飯為由推卻！
事後，該老闆還厚顏地向Color傳短訊，問當日有否被嚇怕及日後會否不再赴約等！對於Color的遭遇，Kama認為她應該報警，周秀娜則會緊守「不上房」原則，諸葛梓岐覺得最好有家人陪伴，不要單獨赴約。
Profile
身 高：162cm
三 圍：33D、24、34
入行經過：為兒童雜誌擔任Model
演出經驗：《性本善》、《火蝴蝶》、《絕代 雙嬌》、《內衣少女》及《情意拳拳》等。